Туркия президенти Режеп Таййип Эрдоған сешанба куни парламентда ҳукмрон Адолат ва ривожланиш партияси аъзолари олдида сўзга чиқар экан, саудиялик журналист Жамал Кашикчининг ўлими олдиндан пухта режалаштирилган қотиллик эканини маълум қилди, дея хабар берди Euronews.
Президент сўзларига кўра, қотиллик Кашикчининг Истанбулдаги Саудия Арабистони консуллигига келишидан бир неча кун муқаддам режалаштирилган. Операцияда Саудия Арабистонидан келган иккита гуруҳ иштирок этган. Режеп Таййип Эрдоған Саудия Арабистони ҳукуматини 2 октябрь куни бедарак йўқолган Кашикчи ўлимида гумонланаётган шахсларни суд қилишга чақирди.
РИВ Новости Туркиянинг «Ватан» партияси етакчиси Доғу Перинчекка таяниб хабар қилишича, Жамал Кашикчи танаси қолдиқлари Саудия Арабистон бош консули қароргоҳи ҳудудидаги қудуқдан топилган.
