Газета.uz пазандачилик саҳифаси Зира.уз билан ҳамкорликда охирги бир нечта ой ичида сотувга чиққан янги озиқ-овқат маҳсулотлари жамланмасини тақдим этади.
Mieszko шоколадли конфетлари
Mieszko деб номланувчи шоколадли конфетлариПольшада ишлаб чиқарилган бўлиб, бизнинг бозорларда ҳам уларнинг бир неча хилини учратиш мумкин. Шоколадлар ҳар хил таъмда бўлиб, супермаркетларда шоколадли, ванилли, қаҳвали, қулупнай ва карамелли таъмдагиларини учратишингиз мумкин.
«Фрау Марта» консерваланган маккажўхори ва яшил нўхатлари
Россияда ишлаб чиқарилган «Фрау Марта» консерваларияқиндагина бизнинг савдо шохобчаларида пайдо бўлди. Консерваланган яшил нўхат ва жўхорилар қадоғи ҳам чиройли, таъми эса аъло даражада бўлиб, таркиби ва таъми яхлит уйғунликни ташкил этган. Бу маҳсулотлар салатлар ва газаклар тайёрлашга жуда қўл келади.
Лактозасиз «Латтер» пишлоғи
Украинанинг «Милкйланд» фирмаси яқинда янги, лактозасиз пишлоқлар ишлаб чиқаришни йўлга қўйди ва бу маҳсулот бизнинг бозорга ҳам кириб келди. «Латтер» қаттиқ пишлоғи қаймоқли таъмда бўлиб, бироз тузланган, истеъмол қилгандан кейин ёқимли таъм қолдиради. Пишлоқда сунъий ёки бегона таъмни сезмайсиз. «Латтер» пишлоғи осон кесилади ва бўлиниб кетмайди.
«Қирол Артур» пишлоғи
Украинанинг «Милкйланд» фирмасидан яна бир янги маҳсулот бу — 180 граммларда қадоқланиб, савдога чиқарилган «Қирол Артур» пишлоғи бўлди. Бундай пишлоқбутербродлар тайёрлашда, салатлар ва газакларга ишлатишда ҳам яхши. Агарда сизга ҳам эритилган сариёғ таъмли пишлоқлар ёқса, унда «Қирол Артур» пишлоғи албатта сизга манзур бўлади.
Drinktec витаминли ичимликлари
Drinktec витаминли ичимликлари ўзининг ёрқин қадоқлари билан диққатимизни ўзига тортди. Биз уларнинг икки хилини учратдик: «С Витамин+» ва «Б+ Витамин». Улардан таътиб кўриш учун харид қилдик. Газланган ва алкоголсиз бўлган буичимликларнинг таркибида ҳақиқатдан ҳам витаминлар мавжуд экан. Уларни бироз совутиб сўнг истеъмол қилиш тавсия этилади.
Nutlet ерёнғоқли пастаси
«Имкон Плус» савдо белгиси яқиндагина бизни янги маҳсулоти билан мамнун этди. У ўзининг «Нутлет» ерёнғоқли пастасини сотувга чиқарди. Ерёнғоқли паста Нутлетёқимли таъмда бўлиб, нонга суртиб ейишга яхши, суртилиши ҳам қулай бўлиб, қийинчилик туғдирмайди.
Terra di Sole моцарелло пишлоғи
Супермаркетлардаги навбатдаги янги маҳсулот бу ўзимизда ишлаб чиқарилган мотсарелло пишлоғи бўлди. Унинг икки хил кўриниши мавжуд бўлиб, иккаласидан ҳам харид қилдик. Уларни таътиб кўрдик, салатларга солдик, ва шунга амин бўлдикки, ўзимизда ишлаб чиқарилган мотсареллолар ҳам чет элникидан қолишмайди.
Бунданда кўпроқ рецептлар Zira.uz интернет саҳифасида.
Facebook: fb.com/zirauz
Instagram: @zirauz
Ўзбек тилидаги Телеграм канал: t.me/zirauzuz
Рус тилидаги Телеграм канал t.me/zirauz
Телеграмдаги гуруҳ: t.me/zirauz_chat
Таҳририят телефон рақами: (+99899) 837−15−15
