Рио Олимпиадаси совриндори, жаҳон чемпиони Шаҳрам Ғиёсов навбатдаги жангини 17 август куни (Тошкентда 18 август) ўтказади. АҚШнинг Калифорния штатида бўлиб ўтадиган жангда унга ганалик Альберт Менса рақиблик қилади. Бу ҳақда МОҚ матбуот хизмати хабар берди.
Маълумот учун, Шаҳрам шу кунгача проф рингда учта жанг ўтказган ва уларнинг ҳар уччаласида ғалаба қозонган (2таси нокаут билан). Африкалик боксчи эса 38та жанг ўтказиб, уларнинг 31тасида ғолиб бўлган (15тасида рақибларини нокаутга учратган). Олтита жангда мағлубиятга учраган бўлса, битта баҳсда дурангга эришган.
Олимпия ўйинлари ва жаҳон чемпионати совриндори Муроджон Аҳмадалиев 23 август куни АҚШнинг Лос-Анжелес шаҳрида чилилик Рамон Контрерасга қарши рингга кўтарилади.
Маълумот учун, Аҳмадалиев бунгача учта жанг ўтказиб, уларнинг барчасида ғалаба қозонган (2таси нокаут билан). Контрерас эса проф рингда 21 маротаба рингга кўтарилиб, уларнинг 15тасида ғолиб бўлган (6таси нокаут билан). 6та жангда эса мағлубият аламини тотиб кўрган (5таси нокаут билан).
