Ўзбекистонлик профессионал боксчи, Флойд Мэйвезер билан ҳамкорлик қилаётган Санжарбек Раҳмонов бугун ўзининг навбатдаги жангини ўтказади. Бу ҳақда МОҚ матбуот хизмати хабар берди.
Раҳмоновга америкалик Маркус Тайлор рақиблик қилади. Саккиз раундга мўлжалланган жанг Лас-Вегас шаҳридаги «Sam's Town Hotel & Gambling Hall"да бўлиб ўтади.
Маълумот учун, Санжарбек Раҳмонов профессионал фаолияти давомида 11 та жанг ўтказиб, уларнинг 10 тасида ғалаба қозонган (5таси нокаут билан). Битта баҳсда эса дуранг қайд этган. Тайлор эса проф рингда 10 маротаба жанг ўтказган ва уларнинг 9 тасида ғолиб бўлган. Битта жангда эса мағлуб бўлган.
