Тошкент ҳокимияти ва ИИББ шаҳарликлар учун дарахтлар кесилаётган ҳолатга дуч келганда қандай муносабат билдириш тўғрисидаги қўлланмани тарқатди.
Ишчиларда кесишга рухсат берилган аниқ манзил кўрсатилган рухсат берувчи баённома бўлиши шарт.
Баённома Тошкент вилоят Биоинспекция томонидан тузилиб, унга туман ҳокими имзо чекиши лозим.
Ишчилар баённома нусхасини кўрсатиши мумкин, бироқ кесишни амалга ошираётган компания раҳбарияти актнинг асл нусхасини тақдим этиши лозим.
Баённома кўрсатилмаган тақдирда, 102 ёки 233−49−46рақамлари орқали ИИББга қўнғироқ қилиб, содир этилаётган ҳуқуқбузарлик тўғрисида хабар бериш лозим. ИИББ Давлат экология қўмитаси рақамларини ҳам тақдим этди:277−75−43.
Баённома бўлган тақдирда Биоинспекциянинг +99871 2683686 рақамига қўнғироқ қилиб, мазкур манзил орқали дарахт кесишга рухсат берилганми-йўқми текшириш мумкин. Агарда рўйхатга олинмаган бўлса, 102 га қўнғироқ қилиш лозим.
Ҳокимиятнинг қайд этишича, дарахтларнинг ён шохларини кесиш учун махсус рухсатнома талаб қилинмайди.
Касал ва қуриб қолган дарахтларни кесиш Биоинспекция ва туман ҳокими рухсати билан амалга оширилади.
