6-май куни Ўзбекистоннинг Малайзиядаги фавқулодда ва мухтор элчиси этиб тайинланган Равшан Усмонов Тошкентдан Куала-Лумпур шаҳрига жўнаб кетди, дея хабар қилди ТИВ матбуот хизмати.
Равшан Усмонов илгари Туризмни ривожлантириш бўйича давлат қўмитаси раисининг биринчи ўринбосари, Ўзбекистоннинг Франциядаги фавқулодда ва мухтор элчиси, шунингдек, ўриндошлик асосида Италия ва Португалияда фавқулодда ва мухтор элчи лавозимларида ишлаган.
Бирмингем университети (Буюк Британия), Жаҳон иқтисодиёти ва дипломатия университети битирувчиси Равшан Усмонов илгари Ўзбекистон Ташқи ишлар вазирлиги Европа мамлакатлари ва НАТО билан ҳамкорлик бошқармасига раҳбарлик қилган.
