Ўзбекистон президенти Шавкат Мирзиёев 20 апрель куни Мигел Марио Диас-Канелни Куба Давлат Кенгаши ва Вазирлар Кенгашининг раиси лавозимига сайлангани муносабати билан табриклади, дея хабар қилди давлат раҳбари матбуот хизмати.
Куба Халқ ҳокимияти миллий кенгаши пайшанба куни Мигел Марио Диас-Канелни Куба Давлат Кенгаши ва Вазирлар Кенгаши раиси лавозимига тасдиқлади. У аввал Давлат Кенгаши раисининг биринчи ўринбосари лавозимида фаолият кўрсатган. Овоз бериш жараёнида у 604 та имкониятдан 603 та ёки 99,83 фоиз овоз тўплаган. Миллий Кенгаш олдида нутқ сўзлаган Мигел Диас-Канел Кастронинг сиёсий йўлини давом эттиришга ваъда берди.
