Ўзбекистон Меҳнат кодексига муқаддам судланган шахсларни ишга қабул қилишни рад этишни тақиқловчи (қонунчиликда кўзда тутилган ҳолатлар бундан мустасно) қўшимча киритилди.
Яқин қариндошларнинг судланганлиги муносабати билан ишга қабул қилмаслик ҳам ноқонуний ҳисобланади.
Меҳнат кодексининг 78-моддасига («Ишга қабул қилишни ғайриқонуний равишда рад этишга йўл қўйилмаслиги») қўшимча киритишни кўзда тутувчи қонун 26 март куни Олий Мажлис Қонунчилик палатаси томонидан қабул қилиниб, 29 март куни Сенат тасдиғидан ўтган эди. Президент 18 апрель куни қонунга имзо чекди ва у 19 апрель куни кучга кирди.
