1 апрель куни 22:00 да Тошкентнинг Чилонзор тумани 17-мавзеси 1-уй яқинида янги туғилган чақалоқ топилди, дея хабар қилди ИИВ матуот хизмати.
Йўргакка ўралган қиз чақалоқнинг туғилганига 7−10 кун атрофида бўлган. Гўдак Учтепа туманидаги «Она ва бола» шифохонасига ётқизилди.
Ҳуқуқни муҳофаза қилиш органлари гўдак онаси шахсини аниқлаш бўйича чораларни амалга оширмоқда. Тергов давом этмоқда.
