Тошкент метрополитенининг Ўзбекистон йўналишидаги «Беруний» метро бекатида поезд остига ўзини ташлаган аёл шахси аниқланди.
Пойтахт метрополитенидан «Газета.uz"га хабар қилишларича, М. А. да (1978 йилда туғилган) руҳий бузилиш аниқланган.
Айни пайтда у Тошкент тиббиёт академиясининг 2-клиникаси травмотология бўлимида «бош миянинг ёпиқ жароҳати, миянинг чайқалиб лат ейиши, қорин соҳасида юмшоқ тўқималарнинг лат ейиши каби ташҳислар билан даволанмоқда.
Ҳодиса 19 март куни 18:58 да содир бўлди. У халати ва шиппакдаги аёл поезд туннелдан сўнгги бекатга кириб келаётган вақтда темир изларга сакраган.
Худди шунга ўхшаш ҳолат 23 февраль куни 18:00 да Мирзо Улуғбек бекатида ҳам содир бўлган — 29 ёшли аёл ўз жонига қасд қилишга уринган эди.
