Бобур номидаги Ўш давлат академик ўзбек мусиқали драма театри ижодий жамоаси 12 йиллик танаффусдан сўнг Ўзбекистонга ташриф буюрди.
10 февраль куни Қирғизистоннинг театр делегацияси Наманган вилояти Норин туманидаги чегара постида кутиб олинди, деб хабар қилди Ўзбекистон Маданият ва спорт ишлари вазирлиги матбуот хизмати.
Театр делегациясининг ижодий сафари 10 февраль куни Андижон вилоятида бошланган бўлса, 13−14 февраль кунлари «Айкол Манас» спектакли Наманган вилоят мусиқали драма театрида намойиш этилади. Фарғона вилоятида эса постановка 15−17 февраль кунлари Театр-концерт саройида бўлиб ўтади.
