Олий Мажлиси Қонунчилик палатасининг 6 декабрда бўлиб ўтган мажлисида «Ўзбекистон Республикаси прокуратура органлари ходимлари кунини белгилаш тўғрисида"ги қонун қабул қилинди. Ҳужжат тасдиқлаш учун Сенатга юборилади, дея хабар қилди парламент қуйи палатаси ахборот хизмати.
Йиғилишда таъкидландики, прокуратура органлари томонидан қонун устуворлигини таъминлаш, фуқароларнинг ҳуқуқлари ва эркинликларини, жамият ва давлат манфаатларини ҳимоя қилиш, мамлакатда жиноятлар ва ҳуқуқбузарликларнинг олдини олиш ҳамда профилактикасини таъминлаш борасида сезиларли ишлар амалга оширилмоқда.
Прокуратура органлари ходимларининг касб байрамини белгилаш прокуратура органлари фаолиятининг самарадорлигини янада оширишга, улар томонидан хизмат вазифаларининг виждонан бажарилишини рағбатлантиришга хизмат қилади. Мазкур сананинг айнан қайси кунга белгиланишига ҳозирча ойдинлик киритилгани йўқ.
