Arxiv
Polshada O‘zbekiston fuqarosi ukrainalik o‘smirlarga hujum qilmagan, o‘zini himoya qilgan — elchixona
O‘zbekiston fuqarosi Polshada 15 yoshli ukrainalik o‘smirlarga hujum qilgani yo‘q, u o‘zini himoya qilgan, deya xabar qildi O‘zbekistonning Varshavadagi elchixonasi. Yigit firibgarlar unga bosqinchilik uyushtirganini aytdi. Fuqaroga nisbatan qamoqqa olish tarzidagi ehtiyot chorasi bekor qilindi.
“APEX INSURANCE” AJ dzyudo bo‘yicha O‘zbekiston terma jamoasini Olimpiya o‘yinlarida qo‘llamoqda
APEX INSURANCE dzyudo bo‘yicha O‘zbekiston terma jamoasini Parijdagi Olimpiya o‘yinlarida qo‘llab-quvvatlaydi va Dzyudo federatsiyasiga jamoani tayyorlashga qo‘shgan hissasi uchun minnatdorchilik bildiradi.
Isroil elchisi haqidagi izohi uchun IIBga chaqirilganda janjal ko‘targan erkak 10 sutkaga qamaldi
Telegram kanalda missiyasini yakunlayotgan Isroil elchisi haqidagi postga izoh yozgan erkak IIBga chaqirtirildi. U idora binosi yaqinida “xodimlarning qonuniy talablariga bo‘ysunmagan va so‘kingan”. Bu uchun erkak 10 sutkaga qamaldi.
Markaziy bank asosiy stavkani 13,5 foiz etib belgiladi
Markaziy bank asosiy stavkani 0,5 foiz bandga pasaytirib, yillik 13,5 foiz etib belgiladi. Ushbu qaror inflyatsiyaning kutilayotgan dinamikasi va inflyatsiyani oshiruvchi xatarlarning kamayganini inobatga olib qabul qilindi.
“Hozircha hech narsa yo‘qotganimiz yo‘q”. Eldor Shomurodov — Ispaniya bilan uchrashuv haqida
Olimpiada o‘yinlarining futbol bo‘yicha guruh bosqichida O‘zbekiston terma jamoasi Ispaniyaga 1:2 hisobida mag‘lub bo‘ldi. Futbolchi Eldor Shomurodov o‘yin haqida fikr bildirib, jamoa kichik xatolar evaziga yutqazganini aytdi. “Guruhda o‘zimizga teng raqiblarimiz bor. Hozircha hech narsa yo‘qotganimiz yo‘q”, dedi u.
Samarqandda elektr ta’minoti korxonasi sobiq muhandisi 7 ming dollar pora olishda gumonlanmoqda
Urgut tumani elektr ta’minoti korxonasi sobiq muhandisi tadbirkordan 14 ming dollar so‘rab, undan 7 ming dollarini olganlikda gumonlanmoqda.
FVV quyosh urishidan saqlanish bo‘yicha tavsiyalar berdi
Favqulodda vaziyatlar vazirligi aholiga quyosh urishidan saqlanish bo‘yicha tavsiyalar berdi. Agar bu holat kuzatilsa bemorga birinchi tez yordam ko‘rsatish tartibini tushuntirib o‘tdi.
Qoraqalpog‘istonda Lacetti va Cobalt ishtirokidagi YTH oqibatida 8 kishi vafot etdi
Qo‘ng‘irot tumanida Lacetti haydovchisi rul boshqaruvini yo‘qotib, qarama-qarshi yo‘ldagi Cobalt bilan to‘qnashdi. Oqibatda 2 haydovchi va 1 yo‘lovchi voqea joyida halok bo‘ldi, yana 5 kishi shifoxonada vafot etdi.
Farg‘onada 7 mlrd so‘mlik gazdan noqonuniy foydalangan korxona aniqlandi
Marg‘ilonda faoliyat yurituvchi tadbirkorlik subyekti qurilmalarini gaz hisoblagichga ulamay, tarmoqdan noqonuniy foydalangani ma’lum bo‘ldi. Oqibatda 7,1 mlrd so‘mlik zarar yetkazilgan. To‘plangan hujjatlar tegishli organga yuborildi.
KXDR Janubiy Koreyaga chiqindi sharlarini uchirishda davom etmoqda, ulardan biri prezident qarorgohiga tushdi
Shimoliy Koreya tomonidan uchirilgan chiqindi to‘ldirilgan sharlardan biri Janubiy Koreya prezidenti idorasi binosiga kelib tushdi. May oyidan beri Pxenyan janubga 3000 dan ortiq shunday sharlarni uchirdi.
AQSh Maxfiy xizmati rahbari Trampga suiqasddan so‘ng iste’foga chiqdi
AQSh Maxfiy xizmati rahbari Kimberli Chitl sobiq prezident Donald Trampga suiqasd uyushtirilgani sababli tanqidlar ostida iste’foga chiqdi. U bu voqea Maxfiy xizmatning so‘nggi o‘nyilliklardagi “eng katta muvaffaqiyatsizligi” ekanini tan oldi.
24-iyul kuni e’lon qilingan eng muhim yangiliklar dayjesti
Gaz importini 4 baravar oshirgan O‘zbekiston, Toshkentda daraxt kesgan niqoblilar, Olimpiadadagi ishtirokini boshlagan milliy terma jamoa, yaqin kunlar juda issiq bo‘lishini aytgan O‘zgidromet va boshqalar — “Gazeta.uz"ning kunlik dayjestida.
Gaz qazib olish pasayishda davom etmoqda, yirik stansiyalarda elektr energiyasi ishlab chiqarish kamaydi
Gaz qazib olish (elektr stansiyalari uchun asosiy yonilg‘i) pasayishda davom etmoqda. Iyunda ishlab chiqarish 3,54 mlrd kub metrni (-4,3%) tashkil etdi. Yirik korxonalarda elektr energiyasi ishlab chiqarish 12,5 foizga, neftniki — 5,4 foizga kamaydi. Shu bilan birga, o‘tgan oy rekord darajada ko‘mir qazib olindi.
O‘zbekiston yil boshidan beri gaz importini 4 barobar oshirdi, iyunda eksport keskin o‘sdi
Birinchi yarimyillikda O‘zbekistonga gaz importi 809 mln dollardan oshdi, bu 2023-yilning birinchi yarmidagi ko‘rsatkichdan 4 barobar ko‘p. “Ko‘k yoqilg‘i” eksporti iyun oyida keskin o‘sib, 181,5 mln dollarni tashkil etdi, bu may oyiga nisbatan 24 barobar ko‘p.
O‘zbekistonda yaqin besh kun juda issiq bo‘ladi
O‘zgidromet 25−29-iyul kunlari keskin jazirama bo‘lishi haqida xabar berdi. Shu kunlarda havo harorati +40…+43 darajagacha, janubda va cho‘l hududlarida +44…+45 darajagacha ko‘tariladi.
O‘zbekiston futbolchilari Olimpiadadagi ilk uchrashuvda Ispaniyaga imkoniyatni boy berdi (video)
O‘zbekiston futbol terma jamoasining Olimpiadadagi tarixiy debyuti raqiblar reytingiga to‘liq mos tushdi. Ispaniyadan mag‘lubiyat 1:2 nisbatdagi kichik farqni aks ettirdi. Futbolchilar munosib o‘yin ko‘rsatdi, endi qolgan o‘yinlar turnirning chorak finaliga yetaklashi kerak.
Xulian, Ashraf, Fermin, Eldor: Olimpiya o‘yinlarida ishtirok etadigan 11 mashhur futbolchi
Bugun Parijdagi Olimpiya o‘yinlari doirasida futbol bo‘yicha bahslar start oldi. O‘zbekiston terma jamoasi o‘z tarixidagi ilk ishtirokini Ispaniyaga qarshi uchrashuv bilan boshladi. “Gazeta.uz” musobaqaning futbol bo‘yicha bahslarida dunyoning qaysi yulduzlari to‘p tepishi haqida qisqacha ma’lumot beradi.
21-iyul dunyodagi eng issiq kun bo‘ldi
21-iyul, yakshanba kuni 1940-yildan beri boshlangan kuzatuvlar tarixidagi rekord darajadagi issiq kun bo‘ldi. Yevropa iqlim xizmati ma’lumotlariga ko‘ra, o‘sha kuni sayyorada o‘rtacha harorat Selsiy bo‘yicha 17,09 darajaga yetgan.
O‘zbekistonda Notcoin sotgan yana bir shaxs 10 sutkaga qamaldi
Toshkent shahrida Notcoin savdosi bilan shug‘ullangan 21 yoshli shaxs 10 sutkaga qamaldi. Ayblanuvchining smartfoni tegishli tartibda yo‘q qilindi.
Surxondaryodagi xonadonlarning biriga kirib qolgan bo‘ri tabiatga qo‘yib yuborildi
Denov tumanidagi xonadonlarning biriga bo‘ri kirib qoldi. Mutaxassislar tomonidan jonzotning salomatligi ko‘zdan kechirilib, “Yuqori To‘palang” milliy tabiat bog‘i hududiga qo‘yib yuborildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting