Haftaning birinchi yarmida O‘zbekistonning ko‘p qismida quruq va iliq ob-havo kuzatiladi, deb xabar berdi “O‘zgidromet”.
Kundan kunga havo harorati ko‘tarilib boradi, hafta o‘rtalariga kelib 33−36 daraja issiq bo‘ladi, janubiy va cho‘l hududlaridagi ba’zi joylarda 38 darajagacha issiq bo‘ladi.
Seshanbadan boshlab Kaspiy dengizidan kelayotgan nam havo mamlakatning faqat shimoli-g‘arbiy hududlariga ta’sir qiladi.
14−15-may kunlari Qoraqalpog‘istonda, Xorazmda va Navoiy viloyatining shimolidagi ayrim joylarda qisqa muddatli momaqaldiroqli yomg‘irlar bo‘lishi mumkin.
Haftaning ikkinchi yarmida nam havo massasi sharqqa tomon tarqaladi, O‘zbekistonning ayrim hududlarida qisqa muddatli yomg‘ir yog‘ib, momaqaldiroq bo‘lishi mumkin. Havo harorati 25−30 daraja issiqqacha pasayadi.
O‘zbekiston bo‘ylab ba’zi joylarda shamol tezligi 15−20 m/s gacha kuchayishi mumkin, ba’zi hududlarda chang-to‘zonlar bilan kuzatilishi mumkin.
13−15-may kunlari Toshkentda yog‘ingarchilik bo‘lmaydi. 13-mayda havo harorati 29−31, 14−15-mayda 33−36 daraja issiq bo‘ladi.
16−17-may kunlari havo harorati 25−30 darajagacha pasayib, vaqti-vaqti bilan qisqa muddatli yomg‘ir yog‘ib, momaqaldiroq bo‘lishi mumkin.
