Dzyudo bo‘yicha O‘zbekiston terma jamoasi Ostona “Katta dubulg‘a” turnirini bitta oltin medal bilan yakunladi. Milliy olimpiya qo‘mitasi xabariga ko‘ra, mazkur medal Sharofiddin Boltaboyev hisobiga yozildi. U ch yillik tanaffusdan keyin yana 1-o‘rinni oldi.
-81 kg vazn toifasida ishtirok etgan sportchi chempionlik bahsida germaniyalik Timo Kaveliusni mag‘lubiyatga uchratdi. Finalgacha u Germaniya, Slovakiya, Yaponiya va neytral maqomda kurashayotgan asli rossiyalik sportchilarni yengdi.
Ushbu natija Boltaboyevga jahon va Parij-2024 Olimpiadasi reytingi uchun 1000 ochko taqdim etdi.
Terma jamoa safida Sharofiddin Boltaboyevdan tashqari yana 11 nafar sportchi qatnashdi.
Eslatib o‘tamiz, Boltaboyev bundan avval Gruziyada o‘tgan turnirda kumush medal olgandi. Uning egallagan natijalari bilan o‘z vazni bo‘yicha sportchilarning dunyo reytingida 18-o‘rinda bormoqda.
Foto
