Дзюдо бўйича Ўзбекистон терма жамоаси Остона «Катта дубулға» турнирини битта олтин медаль билан якунлади. Миллий олимпия қўмитаси хабарига кўра, мазкур медаль Шарофиддин Болтабоев ҳисобига ёзилди. У ч йиллик танаффусдан кейин яна 1-ўринни олди.
-81 кг вазн тоифасида иштирок этган спортчи чемпионлик баҳсида германиялик Тимо Кавелиусни мағлубиятга учратди. Финалгача у Германия, Словакия, Япония ва нейтрал мақомда курашаётган асли россиялик спортчиларни енгди.
Ушбу натижа Болтабоевга жаҳон ва Париж-2024 Олимпиадаси рейтинги учун 1000 очко тақдим этди.
Терма жамоа сафида Шарофиддин Болтабоевдан ташқари яна 11 нафар спортчи қатнашди.
Эслатиб ўтамиз, Болтабоев бундан аввал Грузияда ўтган турнирда кумуш медаль олганди. Унинг эгаллаган натижалари билан ўз вазни бўйича спортчиларнинг дунё рейтингида 18-ўринда бормоқда.
Фото
