O‘zbekistonda dushanba kuni kunduzi respublika hududining katta qismida quruq va juda iliq ob-havo saqlanib turadi, harorat +22…+27, janubda 30 darajagacha iliq bo‘ladi, deya xabar bermoqda O‘zgidromet xizmati agentligi.
Faqat Qoraqalpog‘iston Respublikasi, Xorazm viloyatida va Navoiy viloyati shimolida ba’zi joylarda biroz yomg‘ir yog‘ishi mumkin.
9-aprel kuni Toshkent, Samarqand, Jizzax, Sirdaryo viloyatlarida va Farg‘ona vodiysi viloyatlarida ba’zi joylarda yomg‘ir yog‘adi va havo harorati +15…+20 darajagacha pasayadi. Buxoro, Navoiy viloyatlarida faqat kechasi va ertalab biroz yomg‘ir yog‘ishi mumkin. Qoraqalpog‘iston Respublikasi, Xorazm, Qashqadaryo, Surxondaryo viloyatlarida yog‘ingarchilik kutilmaydi. Havo harorati +15…+20 darajagacha pasayadi.
10−11-aprelda O‘zbekistonning barcha hududlari bo‘yicha yog‘ingarchilik kutilmaydi. Havo harorati yana +22…+27 darajagacha, janubda +30 darajagacha ko‘tariladi.
12−14-aprel kunlari beqaror ob-havo bo‘lishi kutilmoqda. Ba’zi joylarda yomg‘ir yog‘adi, ayrim joylarda momaqaldiroq bo‘ladi. Harorat asosan kechalari +7…+12 daraja, kunduz kunlari +18…+23 daraja bo‘ladi. Respublika shimolida yomg‘ir yog‘ishi ehtimoli kam.
Tog‘li hududlarda 9 va 12−14-aprel kunlari vaqti-vaqti bilan yog‘ingarchilik (yomg‘ir, baland tog‘larda qor) bo‘ladi. Qor ko‘chishi xavfi saqlanib turadi. Respublikaning ayrim joylarida shamol tezligi 15−20 m/s gacha kuchayishi mumkin.
Poytaxtda esa dushanba kunduzi havo asosan biroz bulutli bo‘ladi, yog‘ingarchilik kutilmaydi. Harorat +24…+26 daraja bo‘ladi. 9-aprelda ertalab va kunning birinchi yarmida vaqti-vaqti bilan yomg‘ir yog‘adi. Harorat +16…+18 daraja bo‘ladi.
10−11-aprelda yog‘ingarchilik kutilmaydi. Harorat +22…+24 daraja bo‘ladi. 12-aprelda kunning ikkinchi yarmida va 13−14-aprel kunlari vaqti-vaqti bilan yomg‘ir yog‘adi. Harorat +18…+23 daraja bo‘ladi. Harorat asosan kechalari +7…+12 daraja bo‘ladi.
