Boks bo‘yicha Olimpiya o‘yinlari chempioni Fazliddin G‘oibnazarov (11−2, 6 KO) professional ringdagi ikkinchi mag‘lubiyatini qabul qilib oldi. 7-noyabr kuni Sochidagi Red Arena`da WBA yo‘nalishi bo‘yicha sobiq jahon chempioni rossiyalik Rajab Bo‘tayev (15−1, 11 KO) bilan bo‘lib o‘tgan jangda u texnik nokaut bilan mag‘lub bo‘ldi.
Bokschilar jangni yuqori darajada boshlashdi. Birinchi raundda 32 yoshli G‘oibnazarov yaxshi harakatlandi, keyin 29 yoshli Butayev tashabbusni o‘z qo‘liga oldi va bosimni oshirdi. Uchinchi va to‘rtinchi raundlar o‘rtasidagi tanaffusda o‘zbek bokschisi burchagi uchrashuvni davom ettirishdan bosh tortdi. Natijada Butayev to‘rtinchi raundda texnik nokaut bilan g‘alaba qozondi (jang 10 raundga mo‘ljallangan edi).
G‘oibnazarov faoliyatidagi ikkinchi mag‘lubiyatini 11 ta g‘alaba (6 tasi nokaut) bilan qabul qildi. U 2017-yildan 2019-yilgacha AQShda jang qildi. O‘zbekiston vakili 2019-yilning may oyida Mikal Foksdan faoliyatidagi ilk mag‘lubiyatidan so‘ng AQShdan qaytdi va MDHda — Qozog‘istonda, ikkitadan O‘zbekiston va Rossiyada jang o‘tkazdi. Havaskorlar ringida G‘aibnazarov 2016-yilgi Olimpiada chempioni, Jahon (2015) va Osiyo (2015) chempionatlarining kumush medali sovrindori bo‘lgandi.
