Kamolov Erkin Shamsiddinovich Navoiy viloyati hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimiga tayinlandi, deya xabar bermoqda viloyat hokimligi matbuot xizmati.
Erkin Kamolov 1987-yilda Buxoro viloyati G‘ijduvon tumanida tug‘ilgan. 2009-yilda Toshkent avtomobil yo‘llar institutini tamomlagan.
Tayinlangunga qadar u Avtomobil yo‘llari qo‘mitasi huzuridagi “Qamchiqavtoyo‘l” ixtisoslashtirilgan yo‘llardan foydalanish unitar korxonasi direktori lavozimida faoliyat yuritgan.
Shu paytga qadar viloyat hokimi o‘rinbosari lavozimida ishlagan Bekzod Bobomurodov Qiziltepa tumani hokimi bo‘lgandi.
