So‘nggi haftada O‘zbekistonda mintaqa uchun avgust oyining oxiriga xos bo‘lmagan ob-havo bo‘ldi. Respublika hududi bo‘yicha yomg‘ir yog‘ishi, ba’zi joylarda momaqaldiroq va shamolning kuchayishi bilan birin-ketin nam havo kirib keldi, deb ta’kidladi O‘zgidrometning dam olish kunlari uchun e’lon qilgan prognozida.
Biroq bayram arafasida yomg‘ir to‘xtadi, osmon asta-sekin bulutlardan tozalanmoqda.
Yozning oxirgi kuni va bayram kunlari — 1−3-sentabrda O‘zbekistonning barcha hududlari bo‘yicha havo biroz bulutli bo‘ladi, ba’zi joylarda o‘zgarib turadi, yog‘ingarchilik kutilmaydi, havo harorati kunduzi +25…+30 daraja bo‘ladi. Ertalab havo sezilarli salqin, havo harorati +14…+17 daraja atrofida bo‘ladi.
Poytaxtda 31-avgust va 1−2-sentabr kunlari kam bulutlilik kuzatiladi, 3-sentabrda havo biroz bulutli bo‘ladi, yog‘ingarchilik bo‘lmaydi. Shamol sharqdan 3−8 m/s tezlikda esadi. Harorat kunduzi +26…+29, kechasi +15…+17 daraja iliq bo‘ladi.
