14-iyul kuni Hukumat qarori bilan [290-son] O‘n sakkiz yoshga to‘lmagan shaxslarning mehnatidan foydalanilishi taqiqlangan og‘ir ishlarning hamda zararli yoki xavfli mehnat sharoitlaridagi ishlarning ro‘yxati tasdiqlandi. Bu haqda Adliya vazirligi xabar qildi.
Ro‘yxatga ko‘ra, quyidagi ishlarda 18 yoshga to‘lmagan shaxslarning mehnatidan foydalanish taqiqlanadi, jumladan:
- Ko‘mirni boyitish apparatchisi;
- Qimmatbaho metallar ishlab chiqarish apparatchisi;
- Yer osti kon ishchisi;
- Tarkibida olmos bo‘lgan konsentratlarni me’yoriga yetkazuvchi;
- Qora metallar ishlab chiqarish nazoratchisi;
- Olmoslar va o‘ta qattiq materiallarni silliqlovchi;
- Issiqlik tarmog‘idagi uskunalarni ta’mirlash bo‘yicha chilangar;
- Neft va gaz qazib olish bo‘yicha operator;
- Gaz taqsimlash stansiyasi operatori;
- Tibbiy preparatlarni dozalovchi;
- Tibbiy mahsulotlarni taxlovchi;
- Yuqori chastotali tok qurilmalarida payvandchi;
- Gipsni qizdiruvchi;
- Asfaltbetonchi;
- Novvoy;
- Xamir qoruvchi;
- Go‘sht mahsulotlarini kesuvchi;
- Muzqaymoq tayyorlovchi;
- Naqqosh;
- Yo‘lovchi tashuvchi poyezd mexanigi-brigadiri;
- Tez tibbiy yordam stansiyalarining navbatchi tibbiyot xodimi.
Ma’lumot uchun, Ma’muriy javobgarlik to‘g‘risidagi kodeksning 49−1-moddasi bilan voyaga yetmagan shaxslarning mehnatidan foydalanishga yo‘l qo‘yilmasligi to‘g‘risidagi talablarni buzish uchun jarima belgilangan. Modda talabini bajarmaslik bazaviy hisoblash miqdorining o‘n baravaridan yigirma baravarigacha miqdorda jarima solishga sabab bo‘ladi.
