6-iyul kuni Germaniya g‘arbidagi Shimoliy Reyn-Vestfaliya shtatida yetti kishidan iborat guruh (barchasi Markaziy Osiyo mamlakatlari fuqarolari) terrorchilikda gumonlanib hibsga olindi, deya xabar qildi FRG Bosh prokuraturasi.
Prokurorlarga ko‘ra, gumonlanuvchilar Germaniyada terrorchilik guruhiga asos solgan, shuningdek, “Islomiy davlat” (ID) terror tashkilotini moliyaviy qo‘llab-quvvatlagan.
Xabarda aytilishicha, hibsga olinganlar orasida ikki nafar Turkmaniston va Qirg‘iziston, besh nafar Tojikiston fuqarosi ham bor. Gumonlanuvchilar “bir-birini uzoq vaqtdan beri taniydilar va radikal islomiy qarashlarga ega”, deya ma’lum qildi prokuratura.
Huquq-tartibot idoralari xodimlarining so‘zlariga ko‘ra, qo‘lga olinganlar 2022-yil bahorida — Rossiya bosqinchiligi boshlanganidan ko‘p o‘tmay, Ukrainadan Germaniyaga kirib, “yuqori teraktlar” uyushtirishni rejalashtirgan. Buning uchun ular allaqachon hujum nishonlarini aniqlab bo‘lgan va qurol olishga harakat qilgan, deyiladi xabarda.
Ayni vaqtda Niderlandiyada ham terrorizmda gumon qilinib, Markaziy Osiyoning ikki fuqarosi qo‘lga olingan. Mamlakat prokuraturasi saytidagi xabardan ma’lum bo‘lishicha, ular er-xotin — Tojikiston fuqarosi (erkak, 29 yosh) va Qirg‘iziston fuqarosi (ayol, 31 yosh).
Har ikkisi, “garchi hibsga olish vaqtida ularning rejalari aniq bo‘lmasa ham”, terrorchilik xurujlarini tayyorlashda gumon qilinmoqda, garchi ular hibsga olingan paytda “ularning rejalari aniq bo‘lmagan”. Erkak IDga a’zolikda ham gumon qilinmoqda.
