Toshkent shahri Yangihayot tumanida 11-may kuni sodir bo‘lgan YTH sababli haydovchi vafot etdi, deb xabar bermoqda poytaxt Ichki ishlar bosh boshqarmasi axborot xizmati.
Soat 07:30 da tumanning Toshkent aylanma yo‘lida 2000-yilda tug‘ilgan A.A. Nexia-2 avtomashinasida rul boshqaruvini yo‘qotgan. Shundan so‘ng beton simyog‘ochga urilib, yo‘l-transport hodisasi sodir bo‘lgan.
Oqibatda haydovchi olgan tan jarohatlari sababli voqea joyida vafot etgan.
Holat yuzasidan shahar IIBB tergov boshqarmasi tomonidan Jinoyat kodeksining 266-moddasi 2-qismi (Odam o‘limiga sabab bo‘lgan holda transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Tergov davom etmoqda.
