12 mart kuni «O‘zbekneftgaz» AJ anjumanlar zalida bahor ayyomi Navro‘zni nishonlash munosabati bilan V International Tashkent Marathon va O‘zbekistonning 14 ta shahrida bir vaqtda «Yangi nafas» ommaviy yugurish musobaqasini o‘tkazishga bag‘ishlangan press-anjuman bo‘lib o‘tdi. Tadbirda Yoshlar siyosati va sport vazirligi, Oliy ta’lim, ilm-fan va innovatsiyalar vazirligi, «O‘zbekneftgaz» AJ va O‘zbekiston Respublikasi Yengil atletika federatsiyasi vakillari ishtirok etdi.
Press-anjumanda ta’kidlanishicha, V Xalqaro Toshkent marafonida 5500 ta ishtirokchi qatnashib, ular to‘rtta masofaning birida o‘z kuchlarini sinab ko‘rishi mumkin bo‘ladi — 42 km, 195 m, 21 km, 97,5 m, 10 km va 3 km. Marafon World Athletics (WA) musobaqalar kalendariga kiritilgan va WA qat’iy reglamentiga muvofiq holda o‘tkaziladi. Marafonning yugurish trassasi AIMS Xalqaro marafonlar va yugurishlar assotsiatsiyasi tomonidan sertifikatlangan. Bunga Yoshlar siyosati va sport vazirligining O‘zbekiston Respublikasi Yengil atletika federatsiyasi bilan birgalikda amalga oshirgan faol ishlari natijasida erishildi.
International Tashkent Marathon hududdagi eng ahamiyatli xalqaro sport musobaqalaridan biri hisoblanib, professional sportchilarga, normativlarni bajargan taqdirda, 2024 yilda Parijda bo‘lib o‘tadigan Olimpiya o‘yinlariga litsenziyalarni qo‘lga kiritish imkoniyatini beradi. Bugungi kunda 22 ta xorijiy davlatdan sportchilar va yugurish havaskorlari marafonda ishtirok etish uchun arizalarini topshirdi.
Tashkilotchilarning ta’kidlashicha, eco-friendly tamoyillarini qo‘llab-quvvatlash ushbu keng ko‘lamli tadbirga tayyorgarlik ko‘rishning asosiy qismlaridan biriga aylandi. Shunday qilib, masalan, ishtirokchilarning kiyimi yuqori sifatli ikkilamchi xomashyo asosida ishlab chiqilgan, «O‘zavtosanoat» AJ esa shahar muhitiga qo‘shimcha og‘irlik tushishini qisqartitish g‘oyasini qo‘llab-quvvatladi va tashkiliy qo‘mitaga BYD test elektromobillari taqdim etildi.
Anjuman davomida shuningdek mamlakatning 14 ta shahrida «Yangi nafas» bir vaqtda ommaviy yugurish musobaqasini o‘tkazilishi muhokama qilindi. Marafon doirasida Andijon, Namangan, Farg‘ona, Chirchiq, Navoiy, Guliston, Jizzax, Samarqand, Termiz, Urganch, Nukus, Toshkent, Qorovulbozor va G‘uzorning markaziy ko‘chalari bo‘ylab 3 km masofaga ommaviy yugurish musobaqasi bo‘lib o‘tadi. Bugungi kunda ommaviy yugurish musobaqasida ishtirok etish uchun 75 mingdan ortiq arizalar topshirildi. Oliy ta’lim, ilm-fan va innovatsiyalar vazirligining vakillari ta’kidlaganidek, 2023 yili mamlakatning 57 ta oliy ta’lim vazirligidan 25 mingdan ortiq talabalar ishtirok etishi mumkin.
11 mart kuni V International Tashkent Marathon arafasida «Paxtakor» stadionida Kids Run bolalar ommaviy yugurish musobaqasi va skandinavcha yurish musobaqalari o‘tkazilishi rejalashtirilgan bo‘lib, unda faol turmush tarzini qo‘llab-quvvatlaydigan ikkita avlod birlashadi.
Yengil atletika federatsiyasi raisining o‘rinbosari Andrey Abduvaliyev jurnalistlarga yuguruvchilar uchun Yugur mobil ilovasi haqida so‘zlab berdi. Ushbu ilova milliy ma’lumotlar bazasini tashkil qilib, bu yerda har bir ro‘yxatdan o‘tgan ishtirokchi shaxsiy kabinetda o‘zining yugurish va yurish bo‘yicha jismoniy faolligi haqida shaxsiy ma’lumotlarini saqlashi mumkin bo‘ladi. Ilovada sport natijalari asosida ro‘yxatdan o‘tgan foydalanuvchilarning umumiy reytingi joriy etiladi. Shuningdek, yugurish havaskorlari ilova vositasida yirik sport musobaqalarida ro‘yxatdan o‘tish va transponder tizimidan foydalangan holda, ommaviy yugurish musobaqasining natijalarini operativ ravishda shaxsiy kabinetda ko‘rish imkoniyatiga ega bo‘ladi.
«Aholi orasida ommaviy sportni ommalashtirish maqsadida 2019 yildan boshlab O‘zbekiston hududlari bo‘ylab ommaviy yugurish musobaqalari tashkil etilmoqda. Biz mingta ishtirokchidan boshlagan edik va 2022 yilga yuz mingta yuguruvchilar soniga erishdik. Ushbu natijani mustahkamlash uchun barcha foydalanishi mumkin bo‘lgan Yugur zamonaviy mobil ilovasini joriy etish qaror qilindi. Yugur ilovasi hududlarda yuguruvchilar jamiyatini shakllantirish uchun yaxshi platforma bo‘lib xizmat qiladi, yugurish havaskorlariga o‘z natijalarini professional ravishda kuzatib borish va ko‘rsatkichlarini yaxshilash, kross bilan shug‘ullanishni endi boshlaganlar uchun sportga bo‘lgan qiziqishni yo‘qotmaslik imkoniyatini beradi», — deb ta’kidladi Andrey Abduvaliyev.
Reklama huquqlari asosida.
