30 yanvar kuni Toshkent viloyati Bo‘stonliq tumani Chorvoq qo‘rg‘onidagi 2 qavatli uy xonadonlaridan birida gaz-havo aralashmasining chaqnashi sodir bo‘ldi. Bu haqda Favqulodda vaziyatlar vazirligi axborot xizmati xabar berdi.
Qayd etilishicha, yuzaga kelgan kinetik zarba oqibatida xonadon devor va shiftiga shikast yetgan.
Voqea joyiga tuman FV bo‘limi qutqaruvchilari yetib borgan. Chaqnash sababli 4 nafar fuqaro turli darajada jarohat olib, shifoxonaga yotqizilgan.
Hodisa joyiga viloyat FVB rahbariyati, IIB, SSB, prokuratura hamda «Hududgazta’minoti» hodimlari borgan. Hozirda dastlabki tergovoldi surishtiruv ishlari olib borilmoqda.
