BMT Bosh Assambleyasi tomonidan tabiiy ofatlar xavfini kamaytirishning global madaniyatini rivojlantirish maqsadida 13 oktabr Xalqaro ofatlar xavfini kamaytirish kuni deb belgilangan.
Shu munosabat bilan tabiiy ofatlar xavfining oldini olish va kamaytirish bo‘yicha aholining xabardorligini oshirishga qaratilgan qo‘shiq va musiqalar tanlovi e’lon qilindi. Bu haqda UNICEF’ning O‘zbekistondagi vakolatxonasi «Gazeta.uz»ga xabar berdi.
Tanlov UNICEF, UNDRR va O‘zbekiston Qizil Yarim oy jamiyati bilan hamkorlikda o‘tkaziladi.
Bosh mavzusi «Bardoshlilik haqida kuylang» deya nomlangan tanlovda kuylash qobiliyatiga ega bo‘lgan har bir kishi ishtirok etishi mumkin.
Tanlov shartlari quyidagicha:
- qo‘shiqlar maksimal ikki daqiqa davom etishi;
- mp3 formatda yuborilishi; (qo‘shiq matnlarini MS Word formatida yuboriladi)
- ingliz, rus yoki o‘zbek tillarida bo‘lishi;
- «Barcha uchun erta ogohlantirish va erta harakat» satri mavjud bo‘lishi;
- videoklip taqdim etish (ixtiyoriy).
Bolalar va yoshlarning musiqa tanlovida ishtirok etishlari yuqori rag‘batlantiriladi.
Barcha materiallar elektron shaklda 2022 yil 30 sentabrgacha mismoilov@unicef.org manziliga yuborilishi kerak. Taqdim etilgan material asl ijod bo‘lishi kerak — mualliflik huquqi bilan himoyalangan materiallardan foydalanish mumkin emas.
Ishtirokchi o‘z ishini taqdim etish orqali taqdim etilgan material uchinchi shaxs huquqlarini yoki mualliflik huquqini buzmasligini tasdiqlaydi va kafolatlaydi. Tashkilotchi tomonlar taqdim etish natijasida yuzaga kelgan intellektual mulk buzilishi uchun javobgar emas.
Tanlov 2022 yil 30 sentabr kuni soat 23:59 da tugatiladi, saralash materiallari tanlov mavzusiga muvofiqligi, xabarning ravshanligi, tarkibi va umumiy taqdimoti orqali baholanadi. Tashkilotchilar arizalarni baholash uchun hakamlar hay’atini tayinlaydi.
Tanlangan ariza 2022 yil 10 oktabrda e’lon qilinadi va g‘olib elektron pochta orqali xabardor qilinadi.
Ishtirokchilar o‘z ishlarini tashkilotchilarga taqdim etish orqali tashkilotchilarga taqdim etilgan asar va ommaviy axborot vositalaridan har qanday usulda, shu jumladan cheklanmagan holda nashr qilish, moslashtirish, tarqatish, nusxalash, namoyish qilish yoki tarjima qilish huquqidan, bosma yoki elektron ommaviy axborot vositalarida, hatto ular g‘olib bo‘lmasa ham bepul foydalanish huquqini berishga rozi bo‘ladilar.
Mukofot
G‘olibning qo‘shig‘i UNICEF, UNDRR veb-saytlari va ijtimoiy media kanallarida e’lon qilinadi. Bundan tashqari, saralangan nomzodlar Toshkent shahrida Xalqaro ofatlar xavfini kamaytirish kuniga bag‘ishlangan tadbirlarga taklif qilinadi (vaqt va joy g‘oliblarga e’lon qilinadi) hamda g‘oliblarga tashakkurnomalar topshiriladi.
