Joriy yilda yurtimizda AQSh va O‘zbekiston Respublikasi o‘rtasidagi diplomatik munosabatlar o‘rnatilganiga 30 yil to‘lishi munosabati bilan Wendy’s ning O‘zbekistondagi franshizasi AQSh elchixonasi bilan hamkorlik o‘rnatdi.
Ushbu hamkorlik doirasida Wendy’s mazkur yubileyga bag‘ishlangan tadbirda issiq ichimliklarni cheklangan miqdordagi maxsus stakanlarda taqdim etadi. Shuningdek, 30 yillik yubiley ramzi Wendy’s brendining boshqa qadoqlarida ham joylashtiriladi. Shu tariqa, Wendy’s O‘zbekistonda faoliyat yuritayotgan va ikki xalq qadriyatlarini birlashtirgan mahalliy amerikalik fastfud franshizasi orqali ikki davlat madaniyati o‘rtasidagi yaqin aloqalarni namoyon etadi.
O‘zbekistondagi Wendy’s franshizasi bosh direktori Shoxrux Jalilov ta’kidlaganidek: «Wendy's O‘zbekiston aholisi va mehmonlari uchun Amerika oshxonasining bir qismini kashf qilish, shu bilan birga tez tayyorlanadigan taomlarning xilma-xilligi bilan tanishish va bir oz vaqt bo‘lsa-da o‘zlarini go‘yoki Amerika Qo‘shma Shtatlarida his qilish imkonini beradi».
AQSh elchisi Deniyel Rozenblyum bu borada shunday deydi: «AQSh elchixonasi diplomatik munosabatlarimizning 30 yilligini Wendy’s kompaniyasi bilan hamkorlikda bunday ajoyib tarzda nishonlashdan mamnun. Marhamat, esdalik stakanlarni olib, ular bilan suratga tushing va ijtimoiy tarmoqlarda #USUZ30 heshtegi ostida ulashing!»
Wendy’s kabi brendlarning O‘zbekiston bozorida paydo bo‘lishi har ikki davlat iqtisodiyotining rivojlanishi hamda ularning hamkorligi, globallashuvi va umumiy ovqatlanish bozorida sifat raqobatining kuchayishiga xizmat qilmoqda.
Wendy’s kompaniyasi 1969 yilda Deyv Tomas tomonidan Kolumbusda (AQSh, Ogayo shtati) tashkil etilgan. Wendy’s hozirda butun dunyo bo‘ylab 7000 dan ortiq restoranlarni o‘z ichiga oladi. O‘zbekistonda birinchi Wendy’s restorani 2019 yilda ochilgan. Ayni paytda esa «Markaz-1» va Samarqand Darvoza savdo markazida ikkita restoran faoliyat ko‘rsatmoqda.
Kompaniya 2030 yil oxirigacha O‘zbekistonda 650 dan ortiq ish o‘rni yaratib, yana 20 ta restoran ochishni rejalashtirmoqda. Kusto Group xalqaro xoldingi Wendy’s ning Markaziy Osiyodagi franshizasi va operatoridir.
Reklama huquqlari asosida.
