Bugun, 9 mart kuni O‘zbekistonga COVAX dasturi doirasida 2 257 600 doza Moderna vaksinasi keltirildi, deb xabar bermoqda SSV.
Mamlakatda foydalanilayotgan vaksinalarning umumiy miqdori 59 269 023 dozaga yetdi.
Ulardan:
- 2 404 480 dozasi AstraZeneca;
- 41 996 268 dozasi ZF-UZ-VAC2001;
- 1 341 790 dozasi «Sputnik V»;
- 8 580 460 dozasi Moderna;
- 2 626 650 dozasi Pfizer/BioNTech;
- 1 976 000 dozasi Sinovac;
- 343 375 dozasi Sputnik Light vaksinasidir.
Shundan 46,5 million dozadan ortiq vaksina emlash jarayonlarida qo‘llanildi.
Hozirda mamlakatimizda koronavirus infeksiyasiga qarshi 12 720 731 doza vaksina zaxirasi mavjud.
Avvalroq, Sanitariya-epidemiologik osoyishtalik xizmati rahbari Bahodir Yusupaliyev mart, iyun va iyul oylarida yana 4 mln doza Pfizer, 7,5 mln doza Moderna vaksinasi olib kelinishini ma’lum qilgandi. Qolaversa, O‘zbekistonda yana 10 mln doza o‘zbek-xitoy vaksinasi ham ishlab chiqarilgan.
