Rossiyaning Aloqa, axborot texnologiyalari va ommaviy axborot vositalarini nazorat qilish federal xizmati (Roskomnadzor) 2022 yil 1 yanvarga qadar mamlakatda vakolatxonalar ochishi shart bo‘lgan IT-kompaniyalar ro‘yxatini e’lon qildi. Bu «Rossiya Federatsiyasi hududida<..> Internetda chet ellik shaxslarning faoliyati to‘g‘risida» gi qonuni bilan ko‘zda tutilgan, u «qo‘nish to‘g‘risida» gi qonun deb ham ataladi.
Roskomnadzor reyestriga kuniga 500 mingdan ortiq foydalanuvchi auditoriyasiga ega xorijiy internet kompaniyalari kirgan. Gap 22 ta axborot resurslariga ega bo‘lgan 13 ta kompaniya haqida bormoqda. Ro‘yxatga Google, Apple, Meta, Twitter, TikTok, Telegram, Zoom, Viber, Spotify, Likee, Discord, Pinterest va Twitch kirgan.
Vakolatxonani tashkil etish talabiga qo‘shimcha ravishda, IT-kompaniyalari o‘z saytida rossiyalik foydalanuvchilar bilan elektron fikr-mulohazalar shaklini joylashtirishlari, rasmiylar bilan o‘zaro aloqa qilish uchun Roskomnadzor saytida shaxsiy kabinetni ro‘yxatdan o‘tkazishlari, axborot resursida tavsiya etilgan tashrif hisoblagichini o‘rnatishlari va shuningdek, Rossiya qonunchiligini buzadigan ma’lumotlarga kirishni cheklashlari kerak.
Qonun talablarini bajarishdan bosh tortgan kompaniyalar Rossiyada reklama qilish hamda mamlakat yuridik va jismoniy shaxslaridan to‘lovlarni qabul qilishni taqiqlash bilan tahdid qilinmoqda. Roskomnadzor shuningdek, resursga kirishni sekinlashtirish yoki uni mamlakat hududida butunlay blokirovka qilish huquqiga ega bo‘ladi.
