«Tolibon» harakati Afg‘onistonning vaqtinchalik hukumati tarkibini e’lon qildi, deya xabar qildi RIA Novosti.
Quyidagilar asosiy vazifalarga «vazifasini bajaruvchi» qo‘shimchasi bilan tayinlandi:
- bosh vazir v. b. — Hasan Oxund («Tolibon rahbariyati kengashi rahbari, 1996−2001 yillarda TIV rahbari);
- bosh vazir o‘rinbosari v. b. — Abdul G‘ani Baradar (harakat siyosiy idorasi rahbari);
- bosh vazirning ikkinchi o‘rinbosari v. b. — Abdul Salam Xanafiy (siyosiy idora rahbari o‘rinbosari);
- mudofaa vaziri v. b. — Muhammad Yakub (toliblar yetakchisi o‘rinbosari);
- ichki ishlar vaziri v. b. — Saradjuddin Haqqoniy («Haqqoniy tarmog‘i» rahbari);
- razvedka rahbari v. b. — Abdul Haq Vasiq;
- tashqi ishlar vaziri v. b. — Amir Xan Mutakiy (harakat rahbariyatining sobiq raisi);
- iqtisodiyot vaziri v. b. — Muhammad Xanif;
- moliya vaziri v. b. — Xedayatulla Badriy;
- Afg‘oniston Markaziy banki rahbari v. b. — Muhammad Idris.
Xabarda hukumatning yangilangan tarkibi vaqtinchalik ekaniga urg‘u berilgan.
Eslatib o‘tamiz, qator davlatlar va BMT toliblar tomonidan shakllantirilgan hukumatni tan olishning asosiy sharti — uning inklyuzivligi bo‘lib, tarkibida mamlakatdagi turli xil etnik guruhlar vakillari kiritilishi lozim.
«Umuman olganda, xalqaro hamjamiyat birlashishi hamda yagona richag — «Tolibon»ning qonuniylikka erishish va tan olinishga bo‘lgan manfaatidan foydalanishi kerak», — degan edi BMT bosh kotibi Antoniu Guterrish.