25 may soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 3180 nafarni tashkil qilmoqda. Bu haqda Sog‘liqni saqlash vazirligi xabar qildi.
Unga ko‘ra, yangi kasallanish holatlarining 4 nafari Qoraqalpog‘iston Respublikasida aniqlanib, ulardan 3 nafari xorijdan kelgan xalqaro yuk tashuvchi avtomobil haydovchilari (ulardan 2 nafari ukrainalik), 1 nafari chegara bojxona posti xodimi.
Koronavirusga chalinganlarning 5 nafari esa Samarqand viloyatida aniqlangan. Ularning 4 nafari kasallikka chalinganlar bilan muloqotda bo‘lib yuqtirgan. 1 nafari esa aholi orasidan aniqlangan. Hozirda epidemiologik surushtiruv ishlari olib borilmoqda.
Yana 1 nafar Toshkent viloyatida chegara bojxona posti xodimida aniqlangan. Qolgan 6 nafari Karantin markazidagi fuqarolar orasida qayd etildi, deyiladi xabarda.
Hozirda Respublika bo‘ylab koronavirus infeksiyasidan 602 kishi davolanmoqda, ulardan 3 nafarining ahvoli og‘ir, deb ma’lum qilinmoqda.
Telegramdan foydalanasizmi? Muhim yangiliklarni o‘tkazib yubormaslik uchun kanalimizga a’zo bo‘ling.
Koronavirus infeksiyasidan sog‘ayganlar soni hozirda 2565 kishini tashkil etmoqda. O‘n uch kishi hayotdan ko‘z yumgan.
