Prezidentning 20 maydagi farmoni bilan Zohidjon Ziyoyev O‘zbekiston Davlat statistika qo‘mitasi raisining axborot-kommunikatsiya texnologiyalari va axborot xavfsizligi masalalari bo‘yicha o‘rinbosari etib tayinlandi, deya xabar qildi Davlat statistika qo‘mitasi matbuot xizmati.
U 2007 yilda Toshkent axborot texnologiyalari universitetini tamomlab, 2010 yilda Sankt-Peterburg davlat telekommunikatsiyalar universiteti magistraturasida tahsilni davom ettirdi. O‘tgan yili O‘zbekiston prezidenti huzuridagi Davlat boshqaruvi akademiyasini tamomladi.
2010−2012 yillarda «O‘zbektelekom» kompaniyasida, 2012−2015 yillarda — Aloqa, axborotlashtirish va telekommunikatsiya texnologiyalari davlat qo‘mitasida boshqarma boshlig‘i lavozimida faoliyat ko‘rsatdi. 2015−2017 yillarda Axborot texnologiyalari va kommunikatsiyalarini rivojlantirish vazirligida boshqarma boshlig‘i sifatida xizmat qildi.
Tayinlovga qadar O‘zbekiston Vazirlar Mahkamasida turli lavozimlarda faoliyat ko‘rsatdi.
