UzAuto Motors компанияси харидорларга қулайлик яратиш мақсадида 2023 йилнинг 25−27 декабрь кунлари тузилган шартномалар бўйича тўлов қилиш муддатини байрам кунлари муносабати билан 2024 йилнинг 10 январь кунига қадар узайтирганини маълум қилди.
Маълумот ўрнида, компания 25−27 декабрь кунлари 2024 йилда ишлаб чиқарилиши ва ички бозорда сотилиши режалаштирилаётган оммабоп автомобиллар учун контрактациясини очиб, жами 171,2 мингдан ортиқ шартнома берди.
Шундан сўнг мазкур шартномаларни расмийлаштиргандан баъзилари ижтимоий тармоқлар ва сайтлар орқали шартномасини «cотмоқчи экани» ҳақида эълонлар жойлади. Компания эса харидорлар томонидан «сотувга» жойланаётган шартномалар мониторингини олиб бораётгани ва уларнинг махсус маълумотлар базасини шакллантирилишини маълум қилди. Шунингдек, харидорлардан учинчи шахслардан тўлов қилинмаган автомобиль шартномаларини «сотиб олмасликликни» сўради.
Бундан ташқари, бир неча кун аввал Ўзбекистон ҳукумати янги автомобилларни чакана сотиш тартибига ўзгартиришлар киритди. Эндиликда UzAuto Motors мижоз билан 12 ой ичида иккитадан ортиқ олди-сотди шартномаси тузган бўлса, у билан автомобиль етказиб бериш бўйича янги шартнома тузишдан бош тортиши мумкин бўлади.
