Бундан 77 йил аввал АҚШнинг Оҳайо штатида замонавий блокбастер кашшофи Стивен Спилберг дунёга келган эди. Катта кинога 1975 йили «Ажал комида» (Jaws) фильми билан кириб келган Спилбергнинг Индиана Жонс саргузаштлари ҳақидаги туркум фильмлари, «Ўзга сайёралик», «Шиндлер рўйхати» каби шедеврлари кинематографиянинг олтин фондидан ўрин олиб улгурган. Таниқли режиссёр уч марта «Оскар», икки марта БАФТА ва 9 марта «Олтин глобус» мукофотларини қўлга киритган.
Дарвоқе, Стивен Спилберг ўзбек киноси тарихига ҳам кирган, дейиш мумкин — режиссёр ва сценарийнавис Зулфиқор Мусоқовнинг «Абдуллажон» фильми 43-дўкон қоровули Сотиболди Худойбердиевнинг айнан «ўртоқ бош режиссёр Стивен ака Спилберг»га ёзган хати баёнидан иборат эди. Қуйидаги тест ҳам рамзий маънода Сотиболди ака номидан тайёрланди.
