Тошкент марказида Республика болалар кутубхонасида реставрация ишлари якунланди. Сешанба куни президент Шавкат Мирзиёев уни очиб берди.
Тарихий бинони реконструкция қилиш лойиҳаси Санкт-Петербургнинг Ludi Architects архитектура бюроси томонидан амалга оширилди. Ишлар 2020 йилда бошланган эди.
Кутубхона ўзбек ва жаҳон болалар адабиётига оид 180 минг китоб фондига эга, дейилади давлат раҳбари матбуот хизмати хабарида. Ташриф буюрувчилар махсус ID-карта олади. У орқали китобхонларни рўйхатга олиш, китоб олиш ва топшириш жараёнлари электрон тарзда ташкил этилади.
Муассасада халқаро конференция, семинар ва бошқа тадбирларни ҳам бевосита, ҳам онлайн ўтказиш имкони яратилган. Ҳудуд ободонлаштирилиб, янги қиёфага кирган. Кичик амфитеатр ташкил этилган.
31 август куни кутубхонада очиқ эшиклар куни бўлиб ўтади. Бир қатор маҳорат дарслари ва маърузалар ўтказилиши режалаштирилган.
Фото
