Хабиб Сирожитдинов Фарғона вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинланди, дея хабар бермоқда ЎзА.
Бунгача у Давлат активларини бошқариш агентлиги вилоят бошқармаси бошлиғи лавозимида ишлаб келган.
Эслатиб ўтамиз, июль ойи охирида Ўзбекистон президенти Шавкат Мирзиёев Фарғона вилоятига ташрифи чоғида вилоят ҳокимининг аввалги биринчи ўринбосари Аваз Ўринбоев лавозимидан озод этилганини маълум қилган эди.
Шу билан бирга, вилоят солиқ бошқармаси бошлиғи, Риштон вилояти ҳокими ва Марғилон шаҳар ҳокими ҳам лавозимидан озод этилди. Вилоят ҳокимининг яна икки ўринбосари — қурилиш ишлари бўйича Хожиқўзижон Исоқов ва инвестициялар бўйича Иқболжон Эргашев, шунингдек, учта туман — Бағдод, Қува ва Бувайда туманлари ҳокимларига ҳайфсан эълон қилинди.
