11 февраль куни соат 16:00 да Тошкент вилоятининг Зангиота туманидан ўтган 4Р4 автомобиль йўлининг 3-километрида GAZ-3129 («Волга») русумли автомобиль Бўзсув каналига тушиб кетди. Бу ҳақда Avtopatrul кўрсатувида хабар берилди.
2000 йилда туғилган фуқаро ҳайдовчилик гувоҳномасига эга бўлмасдан GAZ-3129 русумли автомобилини юқори тезликда бошқариб, бошқарувини йўқотган. Натижада йўлнинг ўнг томонидаги Бўзсув каналига ағдарилиб, ЙТҲ содир этган.
Оқибатда ҳайдовчи машинадан чиқолмай, сувда чўкиб вафот этган. Қутқарувчилар томонидан машина каналдан олиб чиқилган.
