Аёлларга йўловчилари сони 14 кишидан ортиқ автобусларни бошқариш ҳуқуқи берилгач, Тошкент шаҳрида ҳайдовчиликка номзод аёллар учун амалиёт дарслари ўтилмоқда. Уларга йўналишларда устоз ҳайдовчилар ҳамроҳлик қилади. «Тошшаҳартрансхизмат» жараён қандай кетаётгани бўйича видеолавҳа эълон қилди.
«Тошшаҳартрансхизмат» автобуслар билан боғлиқ техник носозликлар, туташ ҳолатлари ва йўл-транспорт ҳодисалари кўпаётгани ортидан 5 нафар масъул ходимни ишдан олди.
Тошкент жамоат транспортига жозиба қайтди. Аммо у тирбандликлардан чиқиб, кўпчилик танловига айланиши учун нафақат ТШТХ, балки ҳокимлик, ЙҲХХ ва депутатлар томонидан ҳали кўп иш қилиш керак. Сабина Бакаева ЖТ соҳасидаги ютуқ ва камчиликлар учун жавобгарликнинг бўлиниши ҳақида мулоҳаза юритади.
Пойтахт транспорт бошқармаси ва «Тошшаҳартрансхизмат» АЖнинг собиқ раҳбари Анвар Жўраевга нисбатан жиноят иши ДХХ томонидан олиб борилмоқда. У компания бош муҳандиси ва 2 автобус саройи раҳбари билан тил бириктириб, эҳтиёт қисмлар, ёқилғи маҳсулотларини талон-торож қилишда гумонланмоқда.
Тошкентда 52-сонли автобус ҳайдовчиси йўловчилар автобусга чиқиб улгурмасидан эшикларини ёпиб олди. Оқибатда аёл ва унинг қизи жароҳатланди. Ҳайдовчи билан тузилган меҳнат шартномаси бекор қилинди.
Пойтахтда санитар ҳолати талаб даражасида бўлмаган 80-сонли автобуслардан бири йўналишга чиқарилгани аниқланди. Хизмат вазифасига совуққонлик билан қараган навбатчи механикларга ўртача ойлик маошининг 20 фоизи миқдорида жарима қўлланилди.
Тошкентда жамоат автобусларининг ҳаракат хавфсизлигини назорат қилувчи ходимларга махсус хизмат машиналари бириктирилди. Улар автобус ҳайдовчиларининг тартибли ишлашини ва машиналарнинг автобус йўлакларига чиқиб кетмаслигини назорат қилади ҳамда ҳаракатга тўсқинлик қилувчи омилларни аниқлайди.
24 декабрь куни Тошкентнинг Амир Темур ва Алишер Навоий кўчаларида ўрнатилган бешта камера автобус йўлагида тўхтаган 175 нафар ҳайдовчига жарима солди.
Мирзо Улуғбек туманида 151-сонли Mercedes-Benz автобусида юқори босимли ҳаво қувурининг ёрилиши туфайли қисқа туташув, унинг ортидан ёнғин юз берди. «Тошшаҳартрансхизмат»га кўра, ҳодиса оқибатида ҳеч ким жароҳат олмаган, автобус двигателига зарар етган.
«Тошшаҳартрансхизмат» раҳбари автобус ҳайдовчиларининг бошқарув вақтида мобил телефондан фойдаланиш ҳолатларини аниқлаш мақсадида ўтказилган рейдда иштирок этди. Етти нафар ҳайдовчи ишдан бўшатилди.
Душанбадан Тошкентда еттита янги автобус йўналиши ва энг тиғиз вақтларда ишловчи учта вақтинча экспресс йўналиш ташкил этилди. Август ойи охирида учта йўналиш ҳаракати қисқартирилди.
Тошкент шаҳрида айрим ёнилғи қуйиш шохобчалари ёпилгани сабабли автобуслар бошқа шохобчаларга боришига тўғри келмоқда. Улар жойларда катта навбатларни юзага келтирган. Бу масалани ҳал этиш учун «Тошшаҳартрансхизмат» «Ҳудудгазтаъминот» билан пойтахт ҳокимлигида тезкор ишчи гуруҳ тузди.
Тошкентда электробус ҳайдовчиларининг машиналарни қувватлаш бўйича қилган шикояти бошқа автопарклардаги қувват жойларини бўлиб бериш орқали ҳал этилди. «Тошшаҳартрансхизмат», шунингдек, ҳайдовчиларнинг кечикаётган маошлари ҳафта охиригача тўлаб берилишини ваъда қилди.
Ўзбекистон Хитойнинг Yutong Bus Co., Ltd компанияси билан ҳайдовчисиз транспорт воситалари бўйича, Magnetic North компанияси билан ақлли транспорт тизимини йўлга қўйиш ва Hikvision компанияси билан эса инновацион видеокузатув тизимлари ҳамда сунъий интеллект технологияси соҳасида ҳамкорлик қилади.
Тошкентда июнь ойида 14,5 млн га яқин киши жамоат автобусидан фойдаланди. Энг кўп йўловчи 8-сонли йўналишида ҳаракатланди. Май ойида эса автобусда юрганлар сони 16 млн нафардан ортиқ эди.
Тошкентдаги яна 7 та автобус йўналиши кунлик режа бекор қилинган ҳолда брутто-шартномаларга ўтказилди. Май ойи бошидан бери 14 та йўналиш янги тизим бўйича ишлай бошлаган. Ёз охиригача барча йўналишларни брутто-шартномаларга ўтказиш режалаштирилган.
Тошкентдаги йўналишларга яна 59 та Yutong электробуслари қўйилади (169 та шундай транспорт воситаси 20 апрелдан ҳаракатлана бошлаган). Бу бир қанча йўналишларнинг ҳаракат таркибини тўлиқ янгилаш ва айримларида электробуслар сонини кўпайтириш имконини беради.
Тошкент шаҳрида автобусни эҳтиётсизлик билан бошқарган ҳайдовчи, шунингдек, бир қатор автобус саройлари раҳбар ходимлари ишдан олинди, айримларига ҳайфсан берилди. Бунга уларнинг транспорт воситалари иш тартибини тўғри ташкил этмагани каби сабаблар асос бўлди.
Тошкент шаҳридаги 43-йўналиш (Isuzu) автобусининг салонида аёллар ва эркаклар алоҳида ўтириши учун жойлар мавжудлиги ҳақида эълонлар пайдо бўлди. «Тошшаҳартрансхизмат» улар олиб ташланганини билдириб, аёллар ва эркаклар тенг ҳуқуқлилигини эслатди.
28 февралдан Тошкентдаги қатор автобус йўналишларининг оралиқ ҳаракати ўзгартирилади. Уларнинг асосий қисми янги ташкил этилган чорраҳалар орқали ўтадиган бўлди.
Қўшимча имкониятларга эга булиш учун сайтда рўйхатдан ўтинг