Швеция бош вазири Ульф Кристерссон НАТО бош котиби Йенс Столтенберг билан ўтказган матбуот анжуманида алянснинг деярли барча давлатлари Швеция ва Финляндиянинг Шимолий Атлантика альянсига аъзо бўлишини ратификация қилганини маълум қилди.
Йенс Столтенберг, ўз навбатида, Швеция ва Финляндияни қўллаб-қувватлашга ваъда берди. «Иттифоқчилар Швеция ва Финляндияни қўллаб-қувватламаслигини тасаввур қилиб бўлмайди», — деди НАТО бош котиби.
Бундан ташқари, Столтенберг альянснинг кўплаб аъзо давлатлари потенциал янги аъзоларга хавфсизлик кафолатларини берганини таъкидлади.
НАТО Парламент Ассамблеяси сайтида хабар қилинишича, Швеция ва Финляндиянинг НАТОга киришини ҳали тасдиқламаган охирги икки давлат бўлган Венгрия ва Туркия яқинда альянсга янги аъзоларни қабул қилишни ратификация қилиши кутилмоқда.
