Президент Шавкат Мирзиёев Россиянинг Ижевск шаҳридаги мактабда содир бўлган отишма оқибатида инсонлар қурбон бўлгани муносабати билан президент Владимир Путинга таъзия йўллади, дея хабар қилди давлат раҳбари матбуот хизмати.

«Давлатимиз раҳбари ҳалок бўлганларнинг оила аъзолари ва яқинларига чуқур ҳамдардлик изҳор этиб, жароҳатланганлар тез фурсатда шифо топишини тилади», — дейилади хабарда.

Аввал хабар қилинганидек, 26 сентябрь куни эрталаб кимлиги ҳали аниқланмаган эркак мактабга кириб, отишма уюштирган ва кейин ўз жонига қасд қилди. Сўнгги маълумотларга кўра,15 киши, жумладан, 11 нафар бола ва 4 нафар катта ёшли киши ҳалок бўлган. 24 киши, жумладан, 22 бола ва 2 катта жароҳатланган.