Вазирлар Маҳкамасининг 15 августда [446-сон] «Давлат иштирокидаги йирик корхоналар акцияларини фонд бозорида бирламчи ва иккиламчи оммавий жойлаштириш тўғрисида»ги қарори тасдиқланди.
Қарорга мувофиқ, IPO ва SPO ўтказиш бўйича «йўл харитаси» тасдиқланиб, унинг муддати ва амалга ошириш механизмлари қатъий белгилаб берилди.
Қуйида келтирилган жадвалдаги айрим корхоналарнинг IPO ўтказиши Президентнинг алоҳида фармони билан тасдиқланган.
Маълумот учун, IPO (Initial Public Offering), бу — компания акцияларининг бирламчи бозорга чиқарилишидир. Яъни акциялар кенг оммага таклиф этилади.
| № т.р | Корхона номи | IPO (SPO) ўтказиш муддати | Амалга ошириш механизми |
| 1 | «Қишлоқ қурилиш банк» | 2022 йилнинг август-октябрь ойида | |
| 2 | «Ўзметкомбинат» | 2022 йилнинг IV чораги ёки 2023 йилнинг I чораги | |
| 3 | UzAuto Motors | 2022 йилнинг IV чораги ёки 2023 йилнинг I чораги | 2022 йилнинг августида бошлаш режалаштирилган |
| 4 | «Агробанк» | 2023 йилнинг I ёки II чораги | |
| 5 | «Ўзбекнефтегаз» | 2023 йилнинг февраль-март ойида | 2022 йил охирига қадар |
| 6 | «Алоқабанк» | 2023 йилнинг биринчи ярмида | |
| 7 | «Микрокредитбанк» | 2023 йилнинг июнида | |
| 8 | Universal Sug’urta | 2023 йилнинг июнида | |
| 9 | Alskom | 2023 йилнинг июнида (SPO) | |
| 10 | «Ўзтемирйўлконтейнер» | 2023 йилнинг июнида | IPO/SPO молиявий консультант маслаҳатига кўра |
| 11 | «Халқ банки» | 2023 йилнинг II чораги | |
| 12 | «Ўзбекинвест» | 2023 йилнинг II ёки III чораги | |
| 13 | «Ўзбекгеофизика» | 2023 йилнинг II ёки III чораги | |
| 14 | «Ўзмиллийбанк» | 2023 йилнинг июлида | |
| 15 | «Ўзагросуғурта» | 2023 йилнинг III ёки IV чорагида (SPO) | |
| 16 | «Ўзбекистон почтаси» | 2023 йилнинг мартида | Молиявий консультант маслаҳатига кўра |
| 17 | «Ўзавтосаноат» | 2023 йилнинг мартида | ВМнинг розилиги олингандан сўнг |
| 18 | «Қурилишмашлизинг» | 2023 йилнинг апрелида | Консультантлар маслаҳатига кўра |
| 19 | «Ўзтрансгаз» | 2023 йилнинг II чорагида | Кредит рейтинги олингандан сўнг |
| 20 | Uzbekistan Airways | 2023 йилнинг июлида | Андеррайтер келишувига асосан |
| 21 | «Дори-Дармон» | SPO бўйича ВМ томонидан таклиф қабул қилингандан сўнг |
Аввалроқ, «Тошкент» Республика фонд биржасига Грузия фуқароси Гиоргий Паресишвилини бошқарув раиси лавозимига тайинланганлини ҳақида хабар берилган эди.
Унинг асосий вазифалари маҳаллий фонд бозорини капитал бозорининг халқаро инфратузилмасига интеграциялашуви, шунингдек, маҳаллий акциядорлик жамиятларига IPO ва SPO ўтказишга кўмаклашишдан иборат бўлади.
