UzAuto Motors янгиланган Chevrolet Tahoe ва Traverse 2022 моделларини сотишни бошлади. Янгиланган автомобиллар учун шартнома тузиш 3 мартдан бошланди, дея хабар берди компания матбуот хизмати.
Chevrolet Tahoe 2022
Узунлиги 5 метрдан ошиқ бўлган автомобиль 5,3 литрли двигатель ҳамда 10 поғонали автоматик узатмалар қутиси билан жиҳозланган. Chevrolet Tahoe двигатели 343 от кучига эга бўлиб, 512 Нм максимал айланиш моменти — 8 сонияда 100 км/сгача тезланади.
Chevrolet Tahoe Magnetic Ride Control with Air Ride Adaptive Suspension пневматик осма тизим ва автоматик круиз-контроль билан жиҳозланган.
Аавтомобиль 10,2 дюмли сенсорли ахборот-кўнгилочар экранига эга. Шунингдек, унга 9 та калонкадан иборат Bose динамиклари уланган. Экранда автомобиль ҳолатини 360 градусда кўриш мумкин.
Chevrolet Tahoe 2022 йил моделининг янги опциялари:
- панорамали люк;
- симсиз қувватлаш қурилмаси;
- пиёдаларни аниқлаш тизими;
- ҳаво айлантириш хусусиятига эга бўлган чарм ўриндиқлар;
- масофадан гараж эшигини бошқариш функцияси;
- 3 зонали иқлим назорати (климат-контроль) тизими;
- тўлиқ олд ва орқа диод фаралар;
- ўчириш функциясига эга Start/Stop тизими;
- олд ўриндиқлар вентилясияси.
- 360 градусли камера;
- ҳаракатланиш қаторини сақлаш ва бошқалар.
Chevrolet Traverse 2022
Travers 3.6 литрли В6 двигатели 318 от кучига эга бўлиб, 7.6 сонияда 100км/с гача тезланишга эришади. Етти ўриндиқли автомобиль рангли 8 дюмли сенсор экран ва 10 та калонкадан иборат премиум «Bose» динамикли мультимедиа тизимига эга.
Chevrolet Travers 2022 йил моделининг янги опциялари:
- олдидаги транспорт воситасига мослашувчан круиз-контроль
- автоматик тормоз тизими;
- тўлиқ олд ва орқа диод фаралар;
- ўчириш функциясига эга Start/Stop тизими;
- хавфдан огоҳлантирувчи ўриндиқ;
- олдидаги автомобилга нисбатан дистанция мониторинг системаси;
- ҳаракатланиш қаторини сақлаш;
- симсиз қувватлаш қурилмаси ва бошқалар.
Chevrolet Traverse ҳамда Tahoe 2022 моделлари учун шартномани UzAuto Motors компаниясининг Nurafshon Autocentre, Drivers Village ва «Сергели Автотеххизмат» расмий дилерларидан олиш мумкин.
Нархлар
Traverse
Бошланғич комплектация: 408 009 595 сўмдан.
Premier AT MY22 комплектация: 563 130 435 сўм.
Tahoe
Бошланғич комплектация: 519 728 198 сўмдан.
RST AT MY22 комплектация: 823 913 043 сўм.
Нархлар ҚҚСсиз кўрсатилган.
Бошланғич комплектацияли автомобилни сотиб олиш истагида бўлган харидорлар, компаниянинг расмий дилерларида ариза қолдиришлари ёки расмий сайти info@uzautomotors.com orqali онлайн тарзда ариза юборишлари мумкин. Тўпланган аризаларнинг сонига қараб, компания ушбу автомобилнинг етказилиб берилишини таъминлайди.
Chevrolet расмий сайтида Traverse нархи 33,7 минг доллардан, Tahoe нархи эса 50,2 минг доллардан бошланади.
Автомобилларнинг ушбу моделини Uzauto Motors Ўзбекистонда биринчи маротаба 2019 йил декабрь ойининг охирида тақдим қилган эди.
