ДХР ҳукумати аҳолини Россияга оммавий эвакуация қилиш бошланганини эълон қилди
Ўзини ўзи мустақил дея эълон қилган Донецк Халқ Республикаси раҳбари Денис Пушилин аҳолининг Россияга оммавий кўчиши ташкил этилганини маълум қилди, дея хабар беради РИА Новости.
«Республика аҳоли пунктларини ўққа тутиш жараёнида фуқароларимиз ҳаёти ва соғлиғига хавф туғилиши мумкин. Шу сабабли бугун, 18 февралдан бошлаб аҳолининг Россия Федерациясига оммавий марказлашган ҳолда жўнаб кетиши ташкил этилди», — деди у видеомурожаатда.
Унга кўра, «биринчи навбатда, аёллар, болалар ва қариялар эвакуация қилиниши керак».
«Сиздан тинглаб, тўғри қарор қабул қилишингизни сўраймиз. Вақтинчалик кетиш сизнинг ва яқинларингизнинг ҳаёти ва соғлиғини сақлаб қолади», — деди Денис Пушилин.
Шунингдек, у Ростов вилоятида Россия раҳбарияти билан келишилган ҳолда ДХР аҳолисини қабул қилиш ва жойлаштириш учун жойлар тайёрлиги, улар барча зарур нарсалар билан таъминланишини айтди.
Худди шундай мурожаатни Луганск Халқ Республикаси раҳбари Леонид Пасечник ҳам қилди.
Денис Пушилиннинг сўзларига кўра, Украина президенти Владимир Зеленский гўёки Украина Қуролли кучларига яқин келажакда Донбассда ҳужум бошлаш ва ўзини ўзи эълон қилган республикалар ҳудудига бостириб киришни буюради.
Бу баёнот Украина Ташқи ишлар вазирлиги томонидан қатъиян рад этилди.
Буюк Британия Ички ишлар вазирлиги бадавлат муҳожирлар учун «олтин виза» дастурини тўхтатади
Буюк Британия ички ишлар вазири Прити Патель фуқаролигидан қатъи назар, янги мурожаат этувчилар учун Буюк Британияга инвестиция визаси дастурини бекор қилди. Бу ҳақда Британия ҳукумати сайтига таяниб Интерфакс хабар берди.
Прити Пателнинг айтишича, бу ҳаракат «ноқонуний молиялаштириш ва фирибгарликка қарши курашнинг қайта тикланиши» бошланишини англатади. Олтин виза дастури 2008 йилда бой муҳожирларни Буюк Британия иқтисодиётига сармоя киритишга ундаш учун жорий қилинган. 1-даражали (инвестор) визасини олиш учун мамлакат иқтисодиётига камида 2 миллион фунт стерлинг сармоя киритиш керак эди.
Ушбу дастур қоидаларига кўра, 2 миллион фунт стерлинг миқдорида сармоя киритган шахслар Буюк Британияда уч йил яшаш ҳуқуқига эга бўлади ва кейинчалик уни икки йилга узайтириши ҳам мумкин.
Хабарга кўра, ички ишлар вазири «олтин виза» тизимидан ноқонуний даромадларини «ювадиган» хорижлик фуқаролар ҳам фойдаланиши мумкинлигидан хавотирдалигини маълум қилган.
Қайд этилишича, ички ишлар вазири инвестиция учун фуқароликни тақдим этиш схемасини бир қанча давлатлар, жумладан, Россия, Хитой ва Қозоғистоннинг коррупционер амалдорлари ва ўта бой одамлари томонидан суиистеъмол қилинаётганидан ташвишлангани сабабли тўхтатишга қарор қилган.
Канадада полиция намойишчиларни ҳибсга олишни бошлади
Полиция Канада пойтахтида уч ҳафтадан бери вакцинага қарши мандатли норозилик уюштираётган намойишчиларни ҳибсга олмоқда, дея хабар берди BBC.
Операция жума куни эрталаб Оттава шаҳри марказида бошланган, полиция баъзи намойишчилар таслим бўлганини айтган.
Бу федерал ҳукумат намойишларни бостириш учун Фавқулодда вазиятлар тўғрисидаги қонунни чақирганидан бир неча кун ўтиб содир бўлди.
Бир гуруҳ намойишчилар шаҳарни тарк этиш буйруғига қарамай, шаҳарда қолмоқда. Полиция юк ташувчи карвоннинг икки раҳбарини ҳибсга олди. Тамара Лич ва Крис Барбер иккаласи ҳам бузуқликда айбланган.
Биткоин нархи 40 минг доллардан пастлади
Жума куни кечқурун биткоин нархи сўнгги суткада ичида 5 фоизга тушиб, 4 февралдан бери биринчи марта 40 минг доллардан пастга тушди. Бу ҳақда РИА Новости хабар берди.
Савдо ҳажми бўйича энг йирик криптовалюта биржаси Binance’да биткоин 5,5 фоизга тушиб, 39,77 минг долларни ташкил қилди. Ҳар куни динамика ҳамма жойда берилади.
Биткоин нархи кетма-кет учинчи кун пасаймоқда. Бундан олдин энг сезиларли кунлик ўсиш 4 февралда содир бўлганди, ўшанда биткоин 11,5 фоизга ошган. Йил бошидан бери биткоин жами 14% қийматини йўқотди.
Греция шимоли-ғарбида паромда ёнғин чиқиши туфайли ундан 280 киши эвакуация қилинди
Греция шимоли-ғарбидаги паромда содир бўлган ёнғин туфайли 280 дан ортиқ одам эвакуация қилинди. Бу ҳақда Интерфакс хабар берди.
Хабарга кўра, кема Италия жанубига қараб кетаётган бўлган. Греция соҳил қўриқлаш хизмати маълумотларига кўра, эвакуация вақтида бир киши енгил тан жароҳати олган.
Паром бортида 237 киши ва 51 экипаж аъзоси бўлган. Эвакуациядан кейин уларнинг барчаси Корфу оролига олиб кетилган.
Ёнғин сабаблари ҳозирча маълум қилинмаган. Бироқ қайд этилишича, кема Грециянинг Игуменица шаҳридаги портидан чиққанидан кўп ўтмай ёниб кетган.
