Сешанба куни Қозоғистон президенти Қасим-Жомарт Тоқаев мамлакатда давом этаётган норозилик намойишлари фонида ватандошларига видеомурожаат йўллади.
«Азиз ватандошлар, яна бир бор сиздан ақл билан иш кўришни, ички ва ташқи иғволарга берилмасликни, митингчилар ва ўзбошимчаликлар эйфориясига учмасликни сўраб, мурожаат қилаяпман», — деди у.
«Фуқаровий ва ҳарбий идораларнинг расмий биноларига ҳужум қилишга чақириқлар мутлақо ноқонуний ҳисобланади. Бу жазога тортишга олиб келиши мумкин бўлган жиноятдир», — деди президент.
«Ҳукумат қуламайди. Бироқ, бизга можаро эмас, ўзаро ишонч ва мулоқот керак», — дея таъкидлади у.
Ëшларга мурожаат қилар экан, Қасим-Жомарт Тоқаев шундай деди: «Ҳаёт йўлларингизни бузманг, яқинларингиз ҳаётини заҳарламанг. Сизнинг барча қонуний талабларингиз ва илтимосларингиз ҳисобга олинади. Тегишли қарорлар қабул қилинади. Эртага мазкур масалалар бўйича ишчи йиғилиш бўлиб ўтади».
«Ақл билан иш кўришингиздан умидворман. Ҳозир картага (мажозий маънода карта ўйини назарда тутилган) ҳам сизнинг фаровонлигингиз, ҳам мамлакатимизнинг замонавий дунёдаги ўрни қўйилган», — дея якунлади президент.
