Жанубий Корея Шимолий Корея, Хитой ва АҚШ билан 1950−1953 йиллардаги Корея уруши якунига етгани ҳақида эълон қилишга тайёрлигини билдирди. Бу ҳақда республика раҳбари Мун Чжэ Ин маълум қилди, дея хабар берди «Би-би-си»
Бироқ Шимолий Корея билан музокаралар ҳали бошлангани йўқ, дея қўшимча қилди у. Сентябрда Шимоий Корея етакчиси Ким Чен Иннинг опаси Ким Ё Чжон Пхеньян АҚШ унинг таъбири билан айтганда «душманона сиёсати»дан воз кечган тақдирдагина мулоқотга киришишга рози бўлишини билдирган эди.
1950−1953 йилларда давом этган Корея уруши тинчлик келишуви эмас, балки ярашув билан якунланган. Техник томондан Шимоий ва Жанубий Корея ҳалигача уруш ва кескин муносабатлар ҳолатида — уларни мос равишда Хитой ва АҚШ қўллаб-қувватлаб туради.
«Шу боисдан биз декларация бўйича муҳокамалар ва музокаралар учун ўтира олмаймиз. Умид қиламизки, музокаралар бошланади», — дея қайд этди Мун Чжэ Ин.
Аввалроқ АҚШ Шимолий Корея билан қуролли можаро бошланиши эҳтимолини баҳолаган эди. Пентагоннинг фикрича, КХДР билан тўсатдан қуролли можаро бошланиши эҳтимоли ўта паст. Ушбу баҳо Қўшма Штатлар Қуролли кучлари Штаб бошлиқлари қўмитаси раиси генерал Марк Миллие томонидан Аспен институтининг хавфсизлик бўйича йиллик форумида берилган эди.
