Spot нашри «Этажи» кўчмас мулк агентлиги томонидан махсус тайёрланган таҳлилларга таяниб, августь ойи якунига кўра Тошкентда иккиламчи турар жой бозорида ўртача нархларга шарҳ берди.
Унга кўра, Тошкентда август ойида иккиламчи уй-жой бозорида ўртача нарх ҳар квадрат метрга 7,5 млн сўмни, бирламчи бозорда таклиф қилинаётган нархлар эса ҳар квадрат метрга 8,4 млн сўмни ташкил этган.
Шунингдек, туманлар кесимида ўртача нархлар қуйидаги кўринишга эга (сўмда):
- Яккасарой — 8,7 млн
- Миробод — 8,7 млн
- Шайхонтоҳур — 8,3 млн
- Мирзо Улуғбек — 8,1 млн
- Юнусобод — 8,0 млн
- Чилонзор — 7,8 млн
- Учтепа — 7,0 млн
- Олмазор — 6,5 млн
- Яшнобод — 6,5 млн
- Сергели — 5,0 млн
- Янгиҳаёт — 4,8 млн
- Бектемир — 4,5 млн
Агентликнинг маълум қилишича, Миробод, Мирзо Улуғбек ва Юнусобод туманларида квадрат метр нархи шаҳар марказидан қанча узоқликда жойлашишига кўра кескин фарқ қилади. Шаҳар марказидаги турар жойларнинг бир квадрат метр нархи 15 млн сўмгача етиши мумкин.
Қайд этилишича, августда иккиламчи бозорда энг юқори улуш икки хонали ва уч хонали квартиралар ҳиссасига тўғри келган.
Август охирига келиб ҳар иккала тараф — талаб ҳам, таклиф ҳам бирдек фаоллашган. Агентлик буни пойтахтда эпидемиологик вазиятнинг яхшиланиши, мавсумий таътиллар тугаши ва ҳарорат пасайиши билан изоҳлаганлиги айтилган.
«Эжати» сентябрь ва октябрь ойларида шундай фаоллик сақланиб қолишини башорат қилмоқда.
