Тошкентни Чимён билан боғловчи янги йўлда 31 августдан 2 сентябргача транспорт ҳаракати чекланади. Бу ҳақда Ўзбекистон ИИВ ЙҲХББ хабар қилди.
Бу янги барпо этилган «Янги Ўзбекистон» боғида Мустақиллик куни нишонланиши билан боғлиқ. 31 август куни бўлиб ўтадиган асосий тантанали маросимда президент Шавкат Мирзиёев иштирок этади.
Ҳайдовчиларга Темур Малик ҳамда Оҳангарон шоҳ кўчалари кесишмасидан бошлаб «Махтумқули-Истиқлол» автомобиль йўли бўйлаб 4Р-12 «Бектемир-Чорбоғ» автомобиль йўлигача бўлган масофани бошқа йўллар орқали айланиб ўтиш тавсия қилинди.
Ўқувчиларимизнинг хабарларига кўра, мазкур йўл бўйлаб вақти-вақти билан чекловлар ўрнатиш бошланган.
