Дохада (Қатар) бўлиб ўтаётган спорт гимнастикаси бўйича Жаҳон кубогининг лицензиялаш босқичида 46 ёшли ўзбекистонлик спортчи Оксана Чусовитина олтин медални қўлга киритди, деб хабар берди Миллий олимпия қўмитаси матбуот хизмати.
Таяниб сакраш йўналишида ҳаракат қилган 2020 йилги Токио Олимпиадаси литсензиати 14.066 балл тўплаб, 1-ўринни эгаллади. Иккинчи ўринни франциялик гимнастикачи Девилар Колин эгаллади — 13.966 балл. Кучли учликдан, шунингдек, мисрлик спортчи Тамас Ненси ҳам жой олди — 13.366 балл.
Эслатиб ўтамиз, 2019 йил октябрь ойида ТАСС агентлигига берган интервьюсида Оксана Чусовитина Япониядаги Ёзги Олимпия ўйинларидан сўнг ўз фаолиятини якунлаши ҳақида маълум қилганди.
