Аралаш яккакураш спорт тури бўйича жаҳон чемпиони Мурод Хонтўраев президентнинг куёви Отабек Умаров ҳақида маълумот берди.
«Отабек акам билан ҳар куни гаплашаман. Кайфиятлари зўр. Яқин кунларда келадилар. Ҳеч қанақа интернетдаги ғалати гапларга ишонгманглар. Кўринишлари, ҳаммаси зўр», — деди у.
Мурод Хонтўраев Отабек Умаровнинг жароҳатлари ҳақидаги гапларга муносабат билдирди.
«Ҳеч қанақа бошларига, қўлларига [шикаст етмаган]. Оёқлари озгина „травма“ бўлган. Кимдир айтади, юрадиган, юрмайдиган… Жудаям „характери“ кучли одам. Бугун туриш керак бўлса, бугун туриб келадилар. Лечение олиб, Рамазонни ўтказиб келадилар. Кеча гаплашдим, рўзаларни тутиб даволаниб ётибдилар», — дейди Мурод Хонтўраев.
Эслатиб ўтамиз, оммавий ахборот воситаларида президентнинг куёви Отабек Умаров февраль ойида мотоциклда ЙТҲга учрагани ҳақидаги маълумотни тасдиқловчи хабар пайдо бўлган эди ва у Жанубий Кореяда даволанаётгани айтилганди.
