Таҳминларга кўра, 2025 йилга келиб ишлаб чиқарилиш мумкин, ҳозирда концепция ишлаб чиқилмоқда. Бу ҳақда ўтган ҳафта Uzauto Motoros заводига уюштирилган пресс-тур давомида «Ўзавтосаноат» бошқарма бошлиғи Қодиров Рустам маълум қилди, дея хабар бермоқда «Газета.uz» мухбири.
«Электромобиллар бўйича ҳозирча фақат консепция йўналишида иш олиб бориляпти. Таҳминимизча, 2025 йилларга келиб ишлаб чиқарилиш мумкин. Дунёда йилига 100 млнта машина сотилса, шуларнинг 2% ни электромобиллар ташкил этади. Ҳаммага ёқадиган машина — Тесла. Нархи 35 минг доллар. Ўзбекистонда эса 35 минг долларга машина оладиганлар анчагина кам. Бизнинг 80% савдомиз 11 минг доллардан кам машиналар билан», — деди Қодиров.
«Ўзавтосаноат» Стратегик бўлим бошлиғи Рустам Қодиров. Фото: Абдулло Ёдгоров / «Газета.uz».
Унинг фикрича, электромобиллар экологик бўлсада, унга электр энергия ишлаб чиқаришдан табиатга кўпроқ зарар етади.
«Электромобилни ишлаб чиқаришдан кўра, биринчи ўринда инфратузилма яратишимиз керак. Электромобилни экологияга ҳам фойдаси бор дейишадику, лекин экологиянинг бузилишига 80% сабаб газ билан кўмирни ёқишдан келиб чиқади», — деди «Ўзавтосаноат» вакили.
Аввалроқ, Ўзбекистонда 2021−2023 йилларда 7 та компания томонидан енгил автомобиллар, пикаплар, юк машиналари, микроавтобуслар ва бошқа автомобиллар ишлаб чиқаришни йўлга қўйиш режа қилинаётгани ҳақида хабар берган эдик. Бу президент 2021−2023 йилларга мўлжалланган Инвестиция дастурини амалга оширишга оид қарорида акс этган.
Маълумот ўрнида, ўтган йилнинг 9 ойида Ўзбекистонга 82 та электромобиль импорт қилинган.
